Chapter 12

श्रीगणेशाय नमः । श्रीगुरुभ्यो नमः । श्रीपांडुरंगाय नमः । श्रीकुलदेवतायै नमः । श्रीमातापितृभ्यां नमः ।

Shri Ganeshaaya Namah | Shri Gurubhyo Namah | Shri Paandurangaaya Namah | Shri Kuladevataayai Namah | Shri Maataa pitribhyaam Namah |

Ovee 1

जयजयाजी भगवंता । पाळक नरहरीच्या सुता । नरहरीरुपा कंदर्पताता । अवतार अनंत मिरविशी ॥

Jaya jaya ji bhagavantaa | Paalaka Narahareechyaa sutaa | Naraharee-rupaa kandarpa-taataa | Avataara ananta miravishee ||

Ovee 2

तरी आता पुढें ग्रंथ । बोलवीं बरवे रसभरित । मागिले अध्यायीं मच्छिंद्रनाथ । स्त्रीराज्यांत पै गेला ॥

Taree aataa pudhe granthu | Bolavee barave rasa-bharitu | Maagile adhyaayee Machchindra-Naatha | Stree-raajyaanta pai gelaa ||

Ovee 3

उपरी जालिंदराचा जन्म । यज्ञकुंडीं उत्तमोत्तम । उपरी पश्चात्तापेकरुन । पर्वतदरींत निघाला ॥

Uparee Jaalindaraachaa janmu | Yajnyakundee uttamottamu | Uparee pashchaattaap-e-karunu | Parvata-dareenta nighaalaa ||

Ovee 4

तेथें प्रगटूनि ज्वाळामाळी । तो परम स्नेहाचे नव्हाळीं । अंकी घेऊनि त्या काळीं । जन्मकथा सांगितली ॥

Tethe pragatuuni Jvaalaamaalee | Toh parama snehaache navhaalee | Ankee ghevuni tyaa kaalee | Janma-kathaa saangitalee ||

Ovee 5

आहे इतुकी कथा श्रोतीं । पूर्वाध्यायीं संपली होती । आतां पुढें अवधानाप्रती । श्रवणार्थी मिरवावें ॥

Aahe itukee kathaa shrotee | Poorva-adhyaayee sampalee hotee | Aataa pudhe avadhaanaa-pratee | Shravanaarthee miravaave ||

Ovee 6

असो महाराजा द्विमूर्धनी । सकळ जन्माची कथा सांगोनी । उपरी बोले कामना मनीं । कोणती बाळा ती सांग ॥

Aso Mahaaraajaa Dvimoordhanee | Sakala janmaachee kathaa saangonee | Uparee bole kaamanaa manee | Konatee baalaa tee saangu ||

Ovee 7

येरु म्हणे जी महाराज । कामनाविरहित मन माझें । आहे परी हितार्थ गुज । सकळ जाणसी तूं ताता ॥

Yeru mhane jee Mahaaraaju | Kaamanaa-virahita mana maajhe | Aahe paree hitaartha guju | Sakala jaanasee too taataa ||

Ovee 8

या नरदेहाची झाली प्राप्ती । तरी सार्थक ओपीं माझें हातीं । नाही तरी आले तैसे जाती । ऐसें न करी महाराजा ॥

Yaa nara-dehaachee jhaalee praaptee | Taree saarthaka opee maajhe haatee | Naahee taree aale taise jaatee | Aise na karee Mahaaraajaa ||

Ovee 9

जैसा उदककुंभ साचार येथें । तो मळ उसके जेथें तेथें । परी तयाचा विस्तार महीतें । कांहीं एक मिरवेना ॥

Jaisaa udaka-kumbha saachaara yethe | Toh mala usake jethe tethe | Paree tayaachaa vistaara maheete | Kaanhee eka miravenaa ||

Ovee 10

तरी व्यर्थ जन्मूनि मरण । कीं लोहकाराचे भाते भरुन । कीं भाडाईत ग्रंथिक रचून । व्यर्थ शीण वृषभातें ॥

Taree vyartha janmuuni maranu | Kee loha-kaaraache bhaate bharunu | Kee bhaadaaeeta granthika rachuunu | Vyartha sheena vrishabhaate ||

Ovee 11

तरी आतां ऐक ताता । मिरवेल ऐशा पूर्ण वार्ता । तिहीं भुवनांमाजी सत्ता । चिरंजीवित्व संपादीं ॥

Taree aataa aika taataa | Miravela aishaa poorna vaartaa | Tihee bhuvanaammaajee sattaa | Chiranjeevitva sampaadee ||

Ovee 12

लोक म्हणती जालिंदर झाला । परी मेला नाहीं ऐकिला । ऐसें न करुनियां देहाला । जगीं मिरवी हे ताता ॥

Loka mhanatee Jaalindara jhaalaa | Paree melaa naahee aikilaa | Aise na karuniyaa dehaalaa | Jagee miravee hey taataa ||

Ovee 13

ऐसें ऐकूनियां ज्वलन । मौळी तुकावोनि डोलवी मान । म्हणे बाळाचे धन्य ज्ञान । वयासमान नसे कीं ॥

Aise aikuuniyaa jvalanu | Maulee tukaavoni dolavee maanu | Mhane baalaache dhanya jnyaanu | Vayaa-samaana nase kee ||

Ovee 14

मग त्वरें तो द्विमूर्धनी । जालिंदरासी स्कंधीं वाहोनी । अनसूयानंदनस्थानी । त्वरें जाऊनि पोहोंचला ॥

Maga tvare toh Dvimoordhanee | Jaalindaraasee skandhee vaahonee | Anasooyaa-nandana-sthaanee | Tvare jaauuni pohonchalaa ||

Ovee 15

तव त्या महाराज अत्रिनंदनास । अग्नीसी पाहोनि झाला हर्ष । मग पुढें होऊनि हव्यवाहनास । आलिंगिलें सुप्रेमें ॥

Tava tyaa Mahaaraaja Atri-nandanaasu | Agneesee paahoni jhaalaa harshu | Maga pudhe houuni Havya-vaahanaasu | Aalingile supremey ||

Ovee 16

म्हणे महाराजा मम दैवता । तेजःपुंज जेवी सविता । कवण कामना वेधूनि चित्ता । येथें आलासी महाराजा ॥

Mhane Mahaaraajaa mama daivataa | Tejah-punja jevee Savitaa | Kavana kaamanaa vedhuuni chittaa | Yethe aalaasee Mahaaraajaa ||

Ovee 17

मज आळशियावरी ओघ । ओघिला गंगोदकीं चांग । कीं क्षुधिता धेनु लागूनि माग । पयःपान करवीतसे ॥

Maja aalashiyaa-varee oghu | Oghilaa Gangodakee chaangu | Kee kshudhitaa dhenu laaguuni maagu | Payah-paana karaveetase ||

Ovee 18

कीं तमाचें होता वेष्टण । अर्क दिवटा आला होऊन । कीं मृत्युसमयीं पीयूषपान । पीयूषचि करवी आग्रहें ॥

Kee tamaache hotaa veshtanu | Arka divataa aalaa houunu | Kee mrityu-samayee peeyoosha-paanu | Peeyooshachi karavee aagrahe ||

Ovee 19

तेवीं येथें झाली परी । गंगा ओघिली आळशावरी । मग बैसूनि निकट शेजारीं । वर्तमान पुसतसे ॥

Tevee yethe jhaalee paree | Gangaa oghilee aalashaavaree | Maga baisuuni nikata shejaaree | Vartamaana pusatase ||

Ovee 20

परी महाराजा द्विमूर्धन । हा कोणाचा आहे नंदन । येरी म्हणे पंवबाण । शिवदेहीचा हा असे ॥

Paree Mahaaraajaa Dvimoordhanu | Haa konaachaa aahe nandanu | Yeree mhane panchabaanu (pavabaanu) | Shiva-deheechaa haa ase ||

Ovee 21

कीं शिवदेहीचा काम श्रेष्ठ । म्यां दाहिला हें बोलती स्पष्ट । परी जठरीं रक्षिला होता वरिष्ठ । आजपर्यंत महाराजा ॥

Kee Shiva-deheechaa kaama shreshthu | Myaa daahilaa hey bolatee spashtu | Paree jatharee rakshilaa hotaa varishthu | Aaja-paryanta Mahaaraajaa ||

Ovee 22

मग बृहद्रव्याच्या यज्ञकुंडांत । प्रगट केलें या देहातें । तस्मात् महाराजा तुमचा सुत । तूंचि आतां संगोपीं ॥

Maga Brihadravyaachyaa yajnya-kundaantu | Pragata kele yaa dehaate | Tasmaatu Mahaaraajaa tumachaa sutu | Toonchi aataa sangopee ||

Ovee 23

तरी यातें अनुग्रह देऊनी । जगीं मिरवीं सनाथपणीं । हा चिरंजीव असो शिवकामनीं । मृत्यु कदा न पावो ॥

Taree yaate anugraha deuunee | Jagee miravee sanaathapanee | Haa chiranjeeva aso Shiva-kaamanee | Mrityu kadaa na paavo ||

Ovee 24

प्रमथ दशकर रेत वहिला । मम जठरीं त्यावरी जन्मला । तस्मात् श्रेष्ठ उभयपक्षांला । चिरंजीव असो हा ॥

Pramatha dashakara reta vahilaa | Mama jatharee tyaa-varee janmalaa | Tasmaatu shreshtha ubhaya-pakshaalaa | Chiranjeeva aso haa ||

Ovee 25

जैसा लाभल्या रस पीयुष । उपरी संजीवनी साह्य त्यास । मग तो निर्भय यमसदनास । यमापाशीं मिरवेळ ॥

Jaisaa laabhalyaa rasa peeyushu | Uparee Sanjeevanee saahya tyaasu | Maga toh nirmaya (nirbhaya) yama-sadanaasu | Yamaapaashee miravelu ||

Ovee 26

कीं घृतशर्करेची पडतां मिठी । नको कोण म्हणेल या कडवटीं । का चंद्रअर्काची झाली भेटी । उजेड कांहीं दिसेना ॥

Kee ghrita-sharkarechee padataa mithee | Nako kona mhanela yaa kadavatee | Kaa chandra-arkaachee jhaalee bhetee | Ujeda kaanhee disenaa ||

Ovee 27

तेवीं शिवकाम माझें जठर । ऐक्य झालिया श्रेष्ठाकार । त्यांत नारायण नव साचार । अंतरिक्ष संचरला ॥

Tevee Shiva-kaama maajhe jatharu | Aikya jhaaliyaa shreshthaa-kaaru | Tyaata Naaraayana nava saachaaru | Antariksha sancharalaa ||

Ovee 28

याही उपरांतिक ऐका परी । मौंजी विराजल्या स्वामीकरीं । मग तें माहात्म्य कवणापरी । जगामाजी काय वर्णावें ॥

Yaahee uparaantika aikaa paree | Maunjee viraajalyaa svaamee karee | Maga tey maahaatmya kavanaaparee | Jagaa-maajee kaaya varnaave ||

Ovee 29

आधीं सुवर्ण सोवळा दासी । त्यावरी सुगलें हेमकर्णी । जडित नवरत्न सुढाळ कोंदणीं । तें कोण लेऊं म्हणेना ॥

Aadhee suvarna sovalaa raashee | Tyaa-varee sugale hemakarnee | Jadita navaratna sudhaala kondanee | Tey kona leoo mhanenaa ||

Ovee 30

कीं आधींच सुगंध मलयागर । मृदमद झाला असे त्यावर । त्यावरी शृंगारुनि सुंदर । कोण उटी घेईना ॥

Kee aadheencha sugandha malayaa-garu | Mrida-mada jhaalaa ase tyaavaru | Tyaa-varee shringaaruni sundaru | Kona utee ghaeenaa ||

Ovee 31

तस्मात् ऐशा झाल्या गोष्टी । वरदकरीं तव गा तपोजेठी । मग जालिंदर महीपाठीं । कीर्तिसूर्य मिरवेल ॥

Tasmaatu aishaa jhaalyaa goshtee | Varada karee tava gaa tapojethee | Maga Jaalindara mahee-paathee | Keerti-soorya miravelu ||

Ovee 32

परी ते पावकी रसाळ वचन । वर्षते अमृतवन । तेणें चातकमन । तुष्ट झालें शरीरीं ॥

Paree tey Paavakee rasaala vachanu | Varshate amrita-vanu | Tene chaataka-manu | Tushta jhaale shareeree ||

Ovee 33

मग म्हणे जी महाराजा । पुरवीन आतांचि काम तुझा । परी द्वादश वर्ष विजयध्वजा । मजपाशीं ठेवीं हा ॥

Maga mhane jee Mahaaraajaa | Puraveena aataanchi kaama tujhaa | Paree dvaadasha varsha vijaya-dhvajaa | Majapaashee thevee haa ||

Ovee 34

अवश्य म्हणूनि ज्वाळमौळी । म्हणे रक्षणें आपणांजवळी । परी मज देखतां हस्त मौळीं । वरदकरणी मिरवावा ॥

Avashya mhanuuni Jvaala-maulee | Mhane rakshane aapanaan-javalee | Paree maja dekhataa hasta maulee | Varada karanee miravaavaa ||

Ovee 35

मग तो सुपात्र अत्रिनंदन । अंकीं घेत जालिंदर रत्न । सकळ कळांतें सांगून । विकल्पाते नुरवीतसे ॥

Maga toh supaatra Atri-nandanu | Ankee gheta Jaalindara ratnu | Sakala kalaante saanguunu | Vikalpaate nuraveetase ||

Ovee 36

पहा हो कृपेची सदट नव्हाळी । वरदहस्त स्पर्शितां मौळीं । कर्णी ओपितां मंत्रावळी । अज्ञान काजळी फिटतसे ॥

Pahaa ho kripechee sadata navhaalee | Varada-hasta sparshitaa maulee | Karnee opitaa mantraavalee | Ajnyaana-kaajalee phitatase ||

Ovee 37

परी मंत्राक्षर अंबुदाकार । पूर्ण संचरता कर्ण पात्र । मग ती मही पिकें विचित्र । ब्रह्मपणें मिरवली ॥

Paree mantraa-kshara ambudaa-kaaru | Poorna sancharataa karna paatru | Maga tee mahee pike vichitru | Brahma-pane miravalee ||

Ovee 38

मग तातचि तात अनुपम । चराचरादि स्थावर जंगम । एकरुपी सनातन । ब्रह्मप्राप्ती मिरवली ॥

Maga taatachi taata anupamu | Charaachara-aadi sthaavara jangamu | Ekarupee sanaatanu | Brahma-praaptee miravalee ||

Ovee 39

ऐसा झालिया स्वतंत्र विचार । मग करुनि दत्तासी नमस्कार । महाराज तो वैश्वानर । अदृश्यपणें मिरवला ॥

Aisaa jhaaliyaa svatantra vichaaru | Maga karuni Dattaasee namaskaaru | Mahaaraaja toh Vaishvaanaru | Adrishya-pane miravalaa ||

Ovee 40

मग दत्तात्रेय आणि जालिंदर । विराजले पर्वतगिरीदर । मग प्रेमें अभ्यासीं चमत्कार । दृश्यादृश्य कळतील ॥

Maga Dattaatreya aani Jaalindaru | Viraajale parvata-gireedaru | Maga preme abhyaasee chamatkaaru | Drishya-adrishya kalateelu ||

Ovee 41

मग सवें घेऊनि जालिंदरासी । नित्य गमन करी महींसी । स्नान करुनि भागीरथीसी । विश्वेश्वरासी नमिताती ॥

Maga save ghevuni Jaalindaraasee | Nitya gamana karee maheensee | Snaana karuni Bhaagee-ratheesee | Vishveshvaraasee namitaatee ||

Ovee 42

तेथूनि भोजन पांचाळेश्वरी । भिक्षा मागावी कोल्हापुरीं । निद्रा जयाची मातापुरीं । माहूरगड म्हणविताती ॥

Tethuuni bhojana Paanchaaleshvaree | Bhikshaa maagaavee Kolhaapuree | Nidraa jayaachee Maataapuree | Maahoora-gada mhanavitaatee ||

Ovee 43

असो ऐसे द्वादश वरुषांत । नाना अस्त्रांसही घेत । प्रवीण करी बाळा समर्थ । विद्याभांडार भरुनिया ॥

Aso aise dvaadasha varushaantu | Naanaa astraansahee ghetu | Praveena karee baalaa samarthu | Vidyaa-bhaandaara bharuniyaa ||

Ovee 44

जालिंदराचें दास्य पाहून । घडिघडि आल्हाद पावे मन । सकळ विद्येचें रत्न । तयालागीं भूषणातें ॥

Jaalindaraache daasya paahuunu | Ghadighadi aalhaada paave manu | Sakala vidyeche ratnu | Tayaa-laagee bhooshanaate ||

Ovee 45

वातास्त्रादि जलदास्त्र । अग्न्यस्त्र धूमास्त्र । वाताकर्षणे कामास्त्र । पर्वतास्त्र निवेदिलें ॥

Vaata-astra-aadi Jalada-astru | Agnyastra Dhooma-astru | Vaata-akarshane Kaamaa-astru | Parvata-astra nivedile ||

Ovee 46

वज्रास्त्र आणि वासवशक्ती । नागास्त्र प्राणाहुती । खगेंद्रास्त्र प्रतापशक्ती । मोहनास्त्र सांगितले ॥

Vajra-astra aani Vaasava-Shaktee | Naaga-astra praana-ahutee | Khagendra-astra prataapa-shaktee | Mohana-astra saangitale ||

Ovee 47

निर्वाणास्त्रादि संजीवनी । रुद्रास्त्र आणि प्रळयाग्नीं । विरक्तास्त्र कामासनीं । मोहनास्त्र सांगितलें ॥

Nirvaana-astra-aadi Sanjeevanee | Rudra-astra aani pralaya-agnee | Virakta-astra kaama-asanee | Mohana-astra saangitale ||

Ovee 48

दानवास्त्र देवास्त्र पूर्णतपु। काळास्त्र मिरवती यमादि दसु । स्तवनास्त्रगती उत्तम । जिंकूं शके ब्रह्मांड ॥

Daanava-astra Deva-astra poornatapu | Kaala-astra miravatee yama-adi dasu | Stavana-astra-gatee uttamu | Jinkoo shake Brahma-andu ||

Ovee 49

कार्तिकास्त्र ब्रह्मास्त्र । विभक्तास्त्र जारणास्त्र । शापास्त्र आणि मरणास्त्र । शरास्त्रही शिकविलें पैं ॥

Kaartika-astra Brahma-astru | Vibhakta-astra Jaarana-astru | Shaapa-astra aani Marana-astru | Shara-astra-hee shikavile pai ||

Ovee 50

ऐसा द्वादश वर्षांत । सकळास्त्रीं प्रवीण केला नाथ । आयुष्य भविष्य गमनार्थ । सकळ विद्या निरुपिल्या ॥

Aisaa dvaadasha varshaantu | Sakala-astree praveena kelaa Naathu | Aayushya bhavishya gamana-arthu | Sakala vidyaa nirupilyaa ||

Ovee 51

रसायनादि किमयागार । वेदव्याकरणादि निपुणशास्त्र । नाटकें संगीतसार जें स्वर । गंधर्वातें लाजवी ॥

Rasaayana-aadi kimayaa-gaaru | Veda-vyaakarana-aadi nipuna shaastru | Naatake sangeeta-saara je svaru | Gandharvaate laajavee ||

Ovee 52

ज्योतिष सायक शरसंधान । कोकशास्त्रीं झाला प्रवीण । कामुक दंडगुण ओढण । शास्त्राधारे पैं केला ॥

Jyotisha saayaka shara-sandhaanu | Koka-Shaastree jhaalaa praveenu | Kaamuka danda-guna odhanu | Shaastra-adhaare pai kelaa ||

Ovee 53

जलतरणादि चातुर्यकविता । वैदिकी रत्नलक्षणसहिता । ब्रह्मज्ञानादि निपुण अर्था । बोले तैसा चालतसे ॥

Jala-tarana-aadi chaaturya-kavitaa | Vaidikee ratna-lakshana-sahitaa | Brahma-jnyaana-aadi nipuna arthaa | Bole taisaa chaalatase ||

Ovee 54

ऐसी सकळ कळाकुसरी । सद्विद्येचा पूर्ण भांडारी । करुनि निका परीक्षेपरी । जगामाजी मिरविला ॥

Aisee sakala kalaakusaree | Sadvidyechaa poorna bhaandaaree | Karuni nikaa pareeksheparee | Jagaam-maajee miravilaa ||

Ovee 55

यावरी झालीया पूर्ण । पुढें दैवतें आराधून । वर ओपावयाकारणें । जालिंदरा उतरलीं ॥

Yaaparee jhaaleeyaa poornu | Pudhe daivate aaraadhuunu | Vara-opaavayaa-kaarane | Jaalindaraa utaralee ||

Ovee 56

मग तो स्तवूनि वैश्वानर । पुढें केला तयाचा कुमर । प्रत्यक्ष होतां जालिंदर । सद्विद्येसी दाविलें ॥

Maga toh stavuuni Vaishvaanaru | Pudhe kelaa tayaachaa kumaru | Pratyaksha hotaa Jaalindaru | Sadvidyesee daavile ||

Ovee 57

पाहूनि विद्या अपाररत्न । मान तुकावी द्विमूर्धन । धन्य धन्य हा अत्रिनंदन । वारंवार म्हणतसे ॥

Paahuuni vidyaa apaara ratnu | Maana tukaavee Dvimoordhanu | Dhanya dhanya haa Atri-nandanu | Vaaram-vaara mhanatase ||

Ovee 58

यापरता अत्रिसुतु । म्हणे महाराजा ऐक मात । पूर्णपणीं जालिंदरनाथ । सद्विद्येश पैं झाला ॥

Yaaparataa Atri-sutu | Mhane Mahaaraajaa aika maatu | Poorna-panee Jaalindara-naathu | Sadvidyesha pai jhaalaa ||

Ovee 59

झाला परी ऐक वचन । एक उरलें आराधन । दैवत करुनि द्यावें प्रसन्न । वरालागीं महाराजा ॥

Jhaalaa paree aika vachanu | Eka urale aaraadhanu | Daivata karuni dyaave prasannu | Varaa-laagee Mahaaraajaa ||

Ovee 60

तरी सकळ दैवतांसी । नेऊनि भेटवीं जालिंदरासी । बोल स्वीकारुनि पूर्ण तयासी । बैसवावें महाराजा ॥

Taree sakala daivataansee | Neuuni bhetavee Jaalindaraasee | Bola sveekaaruni poorna tayaasee | Baisavaave Mahaaraajaa ||

Ovee 61

मग अवश्य म्हणूनि वैश्वानर । स्कंधीं वाहिला जालिंदर । भुवनत्रयीं समग्र । फिरोनि ओळखी दैवतें ॥

Maga avashya mhanuuni Vaishvaanaru | Skandhee vaahilaa Jaalindaru | Bhuvana-trayee samagru | Phironi olakhee daivate ||

Ovee 62

असो ती स्थानें दैवतें नामें । सांगतां वैखरी सुमध्यमे । तरी दुबार कथा ग्रंथमाहात्म्यें । पडत आहे महाराजा ॥

Aso tee sthaane daivate naame | Saangataa vaikharee sumadhyase | Taree dubaara kathaa grantha-maahaatmye | Padata aahe Mahaaraajaa ||

Ovee 63

पूर्वीं मच्छिंद्राचे कारणीं । निरोपिली स्थानें दैवतें नामीं । नागपत्रें अश्वत्थधामीं । सूर्यकुंड उपदेशिले ॥

Poorvee Machchindraache kaaranee | Niropilee sthaane daivate naamee | Naagapatre Ashvattha-dhaamee | Soorya-kunda upadeshile ||

Ovee 64

जें जें मच्छिंद्रें केले संधान । सकळ दैवतें प्रसन्न । तें तें दाविलें द्विमूर्धनें । वरालागीं ओपिलें ॥

Je je Machchindre kele sandhaanu | Sakala daivate prasannu | Tey tey daavile Dvimoordhane | Varaa laagee opile ||

Ovee 65

बावन्नवीरादि जळदेवता । पाताळभुवनीस्वनाथा । तितुक्यासी करुनि प्रणिपाता । वरालागीं ओपिलेंसें ॥

Baavanna-veeraadi jala-devataa | Paataala-bhuvanee-svanaathaa | Titukyaasee karuni pranipaataa | Varaa-laagee opilense ||

Ovee 66

परी दैवतें वर देऊनि त्यासी । सांगातीं झाली पूर्ण तपासी । तेणें पावेल सकळ सिद्धींसी । ऐसें सकळ वदलेती ॥

Paree daivate vara deuni tyaasee | Saangaatee jhaalee poorna tapaasee | Tene paavela sakala siddheesee | Aise sakala vadaletee ||

Ovee 67

तें ऐकूनि द्विमूर्धन । पाहता झाला बद्रिकावन । तेथें द्वादश वर्षेंनेम करुन । तपालागीं बैसला ॥

Tey aikuuni Dvimoordhanu | Paahataa jhaalaa Badrikaavanu | Tethe dvaadasha-varshen-nema karunu | Tapaa-laagee baisalaa ||

Ovee 68

लोहकंटकी चरणांगुष्ठ । वातग्रहणीं आहार पुष्ट । मुखीं रामनामपाठ । ब्रह्मीं दृष्टीं निर्मिलीसे ॥

Loha-kantakee charana-angushthu | Vaata-grahanee aahaara pushtu | Mukhee Raama-naama-paathu | Brahmee drishtee nirmileese ||

Ovee 69

तंव ते आचाट तया पाहून । दैवतें तुकविती झाली मान । आपुलाले वाहनी आरोहण । करुनि आलीं तया ठाया ॥

Tava tey aachaata taya paahuunu | Daivate tukavitee jhaalee maanu | Aapulaale vaahanee aarohanu | Karuni aalee tayaa thaayaa ||

Ovee 70

ब्रह्मा विष्णु महेश्वर । आणिक दैवतें आली अपार । तपशांती करुनि साचार । स्थानीं गेली आपुलाल्या ॥

Brahmaa Vishnu Maheshvaru | Aanika daivate aalee apaaru | Tapa shaantee karuni saachaaru | Sthaanee gelee aapulaalyaa ||

Ovee 71

बद्रिकाश्रमीं बद्रिनाथ । तेणें उभयतां सुतां । आपुल्याजवळीं त्रिरात्र । ठेवूनियां घेतलेसे ॥

Badrikaa-Ashramee Badrinaathu | Tene ubhayataa sutaa | Aapulyaajavalee triraatru | Thevuuniyaa ghetalese ||

Ovee 72

ठेविलें परी भविष्य कथून । सांगता झाला पंचानन । सत्यलोकातें ब्रह्मभुवन । तेथें वर्तले विपरीत ॥

Thevile paree bhavishya kathuunu | Saangataa jhaalaa Panchaananu | Satya-lokaate Brahma-bhuvanu | Tethe vartale vipareetu ||

Ovee 73

म्हणाल तें कोणत्या रीतीं । ब्रह्मतनया सरस्वती । द्वादशवर्षें दिव्यमूर्ती । रेखिलीसे शृंगारीं ॥

Mhanaala tey konatyaa reetee | Brahma-tanayaa Sarasvatee | Dvaadasha varshe divyamoortee | Rekhileese shringaaree ||

Ovee 74

जिचे मुख पाहतां भद्र । रेखला वाटे पूर्णचंद्र । केश कुरळ आकाश मंद । वेष्टित वाटे पाहतां कीं ॥

Jiche mukha paahataa bhadru | Rekhalaa vaate poorna chandru | Kesha kurala aakaasha mandu | Veshtita vaate paahataa kee ||

Ovee 75

यापरी पूर्व आणिक युवती । शृंगार रेखिला हेममुक्ती । तें मुक्त न वाटे नक्षत्रपातीं । शृंगारातें मिरवलें ॥

Yaaparee poorva aanika yuvatee | Shringaara rekhilaa hema muktee | Tey mukta na vaate nakshatra-paatee | Shringaaraate miravale ||

Ovee 76

अपार रत्नीं आगळा । स्कंद वेष्टित बहु रसाळा । तिहीं भुवनीं रत्नकीळा । नक्षत्रासम मिरवली ॥

Apaara ratnee aagalaa | Skanda veshtita bahu rasaalaa | Tihee bhuvanee ratnakeelaa | Nakshatraa-sama miravalee ||

Ovee 77

कंचुकीवेष्टन दाट करुनी । त्यात कंदुकासमान इंदुतरणी । कुच विराजती हृदयस्थानीं । चीर पदरातें मिरवें पै ॥

Kanchukee-veshtana daata karunee | Tyaata kandukaa-samaana indutaranee | Kucha viraajatee hridaya-sthaanee | Cheera padaraate mirave pai ||

Ovee 78

हरिकटीते कटाकृती । जानु कर्दळीस्तंभनीतीं । सरळ पोटर्या चरणस्थिती । गजगामिनी मिरवते ॥

Harikateete kataakritee | Jaanu kardalee-stambha-neetee | Sarala potaryaa charanasthitee | Gaja-gaaminee miravate ||

Ovee 79

ऐसी तनया पाहतां दृष्टी । तों काम उदेला सहज पोटीं । मग विधि नोहे तो अवधी । परमेष्टी कुबुद्धितें संचरला ॥

Aisee tanayaa paahataa drishtee | Toh kaama udelaa sahaja potee | Maga vidhi nohe toh avadhee | Parameshtee kubuddhite-sancharalaa ||

Ovee 80

तो कामबळें उन्मत्त । कुमारीमागे लागत । धावतां धावतां वीर्यपात । झाला विधीचा वेधवां ॥

Toh kaama-bale unmattu | Kumaaree-maage laagatu | Dhaavataa dhaavataa veerya-paatu | Jhaalaa vidheechaa vedhavaa ||

Ovee 81

वातचक्र सबळ नेट । बुंद पावला महीपाट । परी हिमाद्रीचे वनीं अचाट । दिग्गज एक निजलासे ॥

Vaata-chakra sabala netu | Bunda paavalaa maheepaatu | Paree Himaadreeche vanee achaatu | Diggaja eka nijalaase ||

Ovee 82

निजला परी कर्णरंध्रांत । येऊनि पडिले बिंदुरेत । त्या रेतातें जीव व्यक्त । प्रबद्ध नारायण संचरला ॥

Nijalaa paree karna-randhraantu | Yeuuni padile binduretu | Tyaa retaate jeeva vyaktu | Prabaddha Naaraayana sancharalaa ||

Ovee 83

परी त्यातें लोटले बहुत दिन । झालें चतुरावृत्ती युगप्रमाण । द्विजालागी नाहीं मरण । चिरंजीव असती ते ॥

Paree tyaate lotale bahuta dinu | Jhaale chaturaa-vrittee yuga-pramaanu | Dvijaa-laagee naahee maranu | Chiranjeeva asatee tey ||

Ovee 84

अष्टदिशीं अष्ट दिग्गज । महादीप्त ते महाराज । त्यांतील एक हो तेजःपुंज । निजला आहे महाराजा ॥

Ashta-dishee ashta diggaju | Mahaadeepta tey Mahaaraaju | Tyaanteela eka ho tejah-punju | Nijalaa aahe Mahaaraajaa ||

Ovee 85

प्रबुद्ध नारायण विख्यात । अवतारदीक्षा देहस्थित । त्या दिग्गजाच्या कर्णविवरांत । सुशोभित आहे कीं ॥

Prabuddha Naaraayana vikhyaatu | Avataara deekshaa dehasthitu | Tyaa diggajaachyaa karna-vivaraantu | Sushobhita aahe kee ||

Ovee 86

बालतनु बालार्काकिरणीं । हरी ते पहावे निजनयनीं । तो जालिंदरें शिष्य करोनि । महीलागीं मिरवावा ॥

Baalatanu baalaarka-kiranee | Haree tey pahaave nijanayanee | Toh Jaalindare shishya karoni | Mahee-laagee miravaavaa ||

Ovee 87

कर्णोदय त्याचा झाला । म्हणोनि कानिफा नाम त्याला । ऐसें ऐकोनि शिववचनाला । वैश्वानर बोलतसे ॥

Karna-udaya tyaachaa jhaalaa | Mhanoni Kaaniphaa naama tyaalaa | Aise aikoni Shiva-vachanaalaa | Vaishvaanara bolatase ||

Ovee 88

म्हणे महाराजा फार बरवें । आपण वदला तितकें अपूर्व । परी गज केवीं विदारावा । आम्हांलागीं दाखवा ॥

Mhane Mahaaraajaa phaara barave | Aapana vadalaa titake apoorvu | Paree gaja kevee vidaaraavaa | Aamhaa-laagee daakhavaa ||

Ovee 89

जैसी उदया आणिली गोष्टी । तैसी दाखवा प्रत्यक्ष दृष्टी । सूर्यजयद्रथ पाठपोटीं । मिरवावा महाराजा ॥

Jaisee udayaa aanilee goshtee | Taisee daakhavaa pratyaksha drishtee | Soorya-jayadratha paatha potee | Miravaavaa Mahaaraajaa ||

Ovee 90

फार बरवें उत्तम झालें । एकटें महीं मम तान्हुलें । त्यातें पृष्ठीं रक्षक भलें । निर्माण केले महाराजा ॥

Phaara barave uttama jhaale | Ekate mahee mama taanhule | Tyaate prishthee rakshaka bhale | Nirmaana kele Mahaaraajaa ||

Ovee 91

तरी आतां कृपा करुन । दाखवावें गजस्थान । अवश्य म्हणूनि उमारमण । त्रिवर्गादि चालले ॥

Taree aataa kripaa karunu | Daakhavaave gaja-sthaanu | Avashya mhanuuni Umaaramanu | Trivargaadi chaalale ||

Ovee 92

त्रिवर्गाचें तेज अद्भुत । दिशा व्यापोनि शिरले गगनांत । जेवीं चंद्रसूर्याचे तेजांत । अग्नि संचरे तिसरा ॥

Trivargaache teja adbhutu | Dishaa vyaaponi shirale gaganaantu | Jevee chandra-sooryaache tejaantu | Agni sanchare tisaraa ||

Ovee 93

किं एक रुद्र एक विष्णु । तिजा उदेला कमळतनु । कीं चंद्राचळ द्रोणाचळ धनु । मंदराचळ तिसरा पैं ॥

Kee eka Rudra eka Vishnu | Tijaa udelaa kamalatanu | Kee Chandraachala Dronaachala dhanu | Mandaraachala tisaraa pai ||

Ovee 94

कीं एक शुक्र बृहस्पती । त्यांत कचेश्वरमूर्ती । कीं अमृतसंजीवनी युक्ती । तिसरा अमर मिरवला ॥

Kee eka Shukra Brihaspatee | Tyaata Kacheshvaramoortee | Kee amrita-sanjeevanee yuktee | Tisaraa amara miravalaa ||

Ovee 95

कीं एक परिस एक चिंतामणी । तिसरा निघतो प्रतापखाणी । ऐसे त्रिवर्ग हिमाद्रीस्थानी । प्रवेश करिते पैं झाले ॥

Kee eka parisa eka chintaa manee | Tisaraa nighato prataapa khaanee | Aise trivarga Himaadree-sthaanee | Pravesha karite pai jhaale ||

Ovee 96

तों पैल हिमाद्रीपर्वतीं । दिसे शेवटीं दिग्गजमूर्ती । महाविक्राळ स्थूळवटशक्ती । पर्वतासम देखिला ॥

Toh paila Himaadree-parvatee | Dise shevatee diggaja moortee | Mahaavikraala sthoola-vata-shaktee | Parvataasama dekhilaa ||

Ovee 97

देखतांचि उमावर । म्हणे हा गज प्रतापी तीव्र । कदा नोहे महीं स्थिर । माजविल समर आपणांसी ॥

Dekhataanchi Umaavaru | Mhane haa gaja prataapee teevru | Kadaa nohe mahee sthiru | Maajavila samara aapanaansee ||

Ovee 98

तरी तयासी कैसी युक्ती । करावी न राहे स्थिरत्वगती । मग जालिंदर तीव्रयुक्ती । बोलता झाला शिवातें ॥

Taree tayaasee kaisee yuktee | Karaavee na raahe sthiratvagatee | Maga Jaalindara teevrayuktee | Bolataa jhaalaa Shivaate ||

Ovee 99

हे महाराज उमावर । माझिया मस्तकीं वरदकर । अत्रिसुतें ठेविला थोर । त्याचा चमत्कार पहा आतां ॥

Hey Mahaaraaja Umaavaru | Maajhiyaa mastakee varada karu | Atrisute thevilaa thoru | Tyaachaa chamatkaara pahaa aataa ||

Ovee 100

ब्रह्मांड मिरवल्या तीव्रपणीं । तेही हिसावेल शूलपाणी । मग या गजाची अपार करणी । कोठवर उरे महाराजा ॥

Brahmaanda miravalyaa teevrapanee | Tehee hisaavela shoola-paanee | Maga yaa gajaachee apaara karanee | Kothavara ure Mahaaraajaa ||

Ovee 101

प्रळयकाळ कृतांत शमे । तोही शांतवेल उत्तमोत्तमें । तें दिग्गजा तीव्रता प्रकाम । कोठें असेल महाराजा ॥

Pralaya kaala Kritaanta shame | Tohee shaantavela uttamottame | Tey diggajaa teevrataa prakaamu | Kothe asela Mahaaraajaa ||

Ovee 102

वातगती चक्रराहटी । तेही कुंठित होईल जेठी । मम मित्रस्यनंदन भवकोटी । स्थिर कैसा होईना ॥

Vaatagatee chakraraahatee | Tehee kunthita hoeela jethee | Mama mitrasyanandana bhava kotee | Sthira kaisaa hoeenaa ||

Ovee 103

तन्न्याये ब्रह्मांड जिंकितां । पावे हा मज कां न स्थिरता । तरी महाराज चमत्कार आतां । निजदृष्टीं विलोकीं ॥

Tannyaaye Brahmaanda jinkitaa | Paave haa maja kaa na sthirataa | Taree Mahaaraaja chamatkaara aataa | Nija-drishtee vilokee ||

Ovee 104

मग कक्षेमाजी भस्मझोळी । करतर्जनीं चिमुटी ओळी । मोहनास्त्र तदनुकाळीं । जपता झाला महाराज ॥

Maga kakshe maajee bhasma-jholee | Karatar-janee chimutee olee | Mohanaastra tadanu kaalee | Japataa jhaalaa Mahaaraaju ||

Ovee 105

मोहनास्त्रामागें पवित्र । प्रेरिता झाला स्पर्शास्त्र । जपूनियां शुद्ध मंत्र । भस्मचिमुटी सोडीतसे ॥

Mohanaastraa-maage pavitru | Preritaa jhaalaa Sparsha-astru | Japuuniyaa shuddha mantru | Bhasma-chimutee sodeetase ||

Ovee 106

तवं तें अस्त्र होतां व्यक्त । तीव्रपणी गज झाला शांत । यापरी महीं चरण चतुर्थ । सुदृढ व्यक्त झाला तो ॥

Tava tey astra hotaa vyaktu | Teevrapanee gaja jhaalaa shaantu | Yaaparee mahee charana chaturthu | Sudridha vyakta jhaalaa toh ||

Ovee 107

मग म्हणे शिवासी तातासहित । येथेंचि असावें स्वस्थचित्त । मी करीपाशी जाऊनि त्वरित । कानिफातें आणितो ॥

Maga mhane Shivaasee taataa-sahitu | Yethenchi asaave svastha chittu | Mee karee paashee jaauuni tvaritu | Kaaniphaate aanito ||

Ovee 108

ऐसें ऐकतां वागुत्तर । अवश्य म्हणे श्रीशंकर । मग तो तेथूनि जालिंदर । गजापाशीं पातला ॥

Aise aikataa vaag-uttaru | Avashya mhane Shree-shankaru | Maga toh tethuuni Jaalindaru | Gajaapaashee paatalaa ||

Ovee 109

परी मोहनास्त्र प्रतापवंत । सर्व अंगे गज झाला शांत । निकट जाऊनि तयाचे त्वरित । आदरोक्ती बोलतसे ॥

Paree Mohanaastra prataapa-vantu | Sarva ange gaja jhaalaa shaantu | Nikata jaauuni tayaache tvaritu | Aadaroktee bolatase ||

Ovee 110

म्हणे बा रे धीरपण । कोणी नसे तुजसमान । तुझे कर्णी दिव्यरत्न । महासिद्धीनें निर्मिलें ॥

Mhane baa re dheerapanu | Konee nase tuja-samaanu | Tujhe karnee divya-ratnu | Mahaa-siddheene nirmile ||

Ovee 111

हांक मारुनि बोले त्यातें । म्हणे प्रबुद्ध नारायण समर्थ । गजकर्णी होऊनि व्यक्त । अवतारदीक्षा मिरविसी ॥

Haanka maaruni bole tyaate | Mhane Prabuddha Naaraayana samarthu | Gaja-karnee houuni vyaktu | Avataara deekshaa miravisee ||

Ovee 112

तरी आतां झडकरी । कर्ण सोडूनि ये बाहेरी । तूतें नाम या देहापरी । कर्णकानिफा साजतसे ॥

Taree aataa jhada-karee | Karna soduuni ye baaheree | Toote naama yaa dehaa-paree | Karna-kaaniphaa saajatase ||

Ovee 113

ब्रह्मवीर्य कर्णउत्पत्ती । म्हणूनि नाम तुजप्रती । तूं तव कानिफा सर्वज्ञमूर्ती । दृश्यमान होई कां ॥

Brahma veerya karna-utpattee | Mhanuuni naama tuja pratee | Too tava Kaaniphaa sarvajnya-moortee | Drishya maana hoee kaa ||

Ovee 114

ऐकूनि जालिंदराचें वचन । बोलता झाला विधिनंदन । हे महाराजा गुणनिधान । स्थिर असा महीतें ॥

Aikuuni Jaalindaraache vachanu | Bolataa jhaalaa vidhi nandanu | Hey Mahaaraajaa guna-nidhaanu | Sthira asaa maheete ||

Ovee 115

मग त्वरें येऊनि कर्णद्वारीं । दृष्टीं पाहे ब्रह्मचारी । सहज करुनि उभयकरीं । नमस्कारी प्रेमानें ॥

Maga tvare yeuuni karna-dvaaree | Drishtee paahe Brahmachaaree | Sahaja karuni ubhaya karee | Namaskaaree premaane ||

Ovee 116

षोडशवर्षीं वयमान । बाळतनू देदीप्यमान । तयाचे तेजें सकळ कानन । तेजामाजी डवरलें ॥

Shodasha-varshee vayamaanu | Baala tanoo daedeepya-maanu | Tayaache teje sakala kaananu | Tejaa maajee davarale ||

Ovee 117

मग जालिंदरे देऊनि हस्त । खालीं उतरिला कर्णसुत । स्कंधीं वाहूनि प्रेमें स्नेहभरित । शिवापाशीं पातला ॥

Maga Jaalindare deuuni hastu | Khaalee utarilaa karna-sutu | Skandhee vaahuuni preme sneha-bharitu | Shivaa-paashee paatalaa ||

Ovee 118

स्कंधींचा उतरुनि ठेवी महीशीं । म्हणे कानिफा सर्वज्ञराशी । नमस्कारीं उमावरासी । वीर्यवंता महाराजा ॥

Skandheenchaa utaruni thevee maheeshee | Mhane Kaaniphaa sarvajnya-raashee | Namaskaaree Umaa-varaasee | Veerya-vantaa Mahaaraajaa ||

Ovee 119

त्यातें नमूनि जनकासमेत । द्विमूर्धनी आजी तात । त्यातें नमस्कारुनि त्वरित । श्रेयवंत होई कां ॥

Tyaate namuuni janakaa-sametu | Dvi-moordhanee aajee taatu | Tyaate namaskaaruni tvaritu | Shreya-vanta hoee kaa ||

Ovee 120

मग शिवासी करुनि नमस्कार । उपरी नमिला वैश्वानर । त्याहूनि प्रीती अति थोर । जालिंदर नमिलासे ॥

Maga Shivaasee karuni namaskaaru | Uparee namilaa Vaishvaanaru | Tyaahuuni preetee ati thoru | Jaalindara namilaase ||

Ovee 121

उपरी अत्यंत स्नेहभरितीं । शिवें कवळूनि सप्रेम हस्तीं । आपुले अंकीं बाळमूर्ती । कर्णकानिफा बैसविला ॥

Uparee atyanta sneha-bharitee | Shive kavaluuni saprema hastee | Aapule ankee baala moortee | Karna-kaaniphaa baisavilaa ||

Ovee 122

परम प्रिय अति लालन । घेतलें बाळाचें चुंबन । मग जालिंदरा बोले वचन । बाळा देई अनुग्रह ॥

Parama priya ati laalanu | Ghetale baalaache chumbanu | Maga Jaalindaraa bole vachanu | Baalaa daee anugrahu ||

Ovee 123

तव अनुग्रह झाल्यापाठीं । मोडेल अज्ञानदशाराहाटी । सकळार्थ विजय पोटीं । कर्णकानिफा मिरवेल ॥

Tava anugraha jhaalyaa-paathee | Modela ajnyaana-dashaa-raahaatee | Sakala artha vijaya-potee | Karna-kaaniphaa miravelu ||

Ovee 124

जैसा होतां अर्कोदय । अंधकार पावे विलय । तैं सकळ जनांचे हे व्यवसाय । तन्न्यायें बाळा करावें ॥

Jaisaa hotaa arkodayu | Andhakaara paave vilayu | Tai sakala janaanche hey vyavasaayu | Tannyaaye baalaa karaave ||

Ovee 125

कीं द्रव्य असतां गृही भरतीं । मग सकळ व्यवसाय तया सुचती । तन्न्यायें कृपामूर्ती । बाळालागी करावें ॥

Kee dravya asataa grihee bharatee | Maga sakala vyavasaaya tayaa suchatee | Tannyaaye kripaa moortee | Baalaa laagee karaave ||

Ovee 126

ऐसें ऐकूनि आदिनाथवचन । जालिंदर तो तुकावी मान । मग तोचि घडी क्रियामंडन । संकल्पांत आव्हानी ॥

Aise aikuuni Aadinaatha vachanu | Jaalindara toh tukaavee maanu | Maga techi ghadee kriyaa-mandanu | Sankalpaanta aavhaanee ||

Ovee 127

तन मन धन काया वाचा । त्याग केला दुर्गुणांचा । तो संकल्प निःसंकल्प साचा । गुरुराज वंदिला ॥

Tana mana dhana kaayaa vaachaa | Tyaaga kelaa durgunaanchaa | Toh sankalpa nihsankalpa saachaa | Gururaaja vandilaa ||

Ovee 128

मग वरदहस्त स्पर्शोनि चंद्रमौळी । कर्णी ओपिली मंत्रावळी । तेणें सकळ अज्ञानकाजळी । फिटोनि गेली तत्काळ ॥

Maga varada-hasta sparshoni chandra-maulee | Karnee opilee mantraavalee | Tene sakala ajnyaana-kaajalee | Phitoni gelee tatkaalu ||

Ovee 129

जैसा सदनीं लावितां दीप । तीव्र तमाचा होय लोप । तेवीं मंत्रबीजमाप । अज्ञानकर्दमपण निवटी कां ॥

Jaisaa sadanee laavitaa deepu | Teevra tamaachaa hoya lopu | Tevee mantra-beeja-maapu | Ajnyaana-kardama-pana nivatee kaa ||

Ovee 130

व्यक्ताव्यक्त सकळ भास । पूर्ण झाला विजयपणास । मग चराचरीं माझाचि वास । एके रुपें वर्ततसे ॥

Vyaktaa-vyakta sakala bhaasu | Poorna jhaalaa vijaya-panaasu | Maga charaacharee maajhaachi vaasu | Eke rupe bhartatase ||

Ovee 131

ब्रह्मदृष्टी संकलित खूण । दृश्यगुरुमुखेंकरुन । तें हरि रुद्र ब्रह्मरुप चैतन्य । ऐक्यरुपें मीनलें ॥

Brahma drishtee sankalita khoonu | Drishya-guru-mukhen-karunu | Tey Hari Rudra Brahma rupa chaitanyu | Aikyarupe meenale ||

Ovee 132

असो ऐशी होतां राहाटी । मग उठते झाले चतुर्थ जेठी । पदीं चालतां महीपाठीं । बद्रिकाश्रमीं पातले ॥

Aso aishee hotaa raahaatee | Maga uthate jhaale chaturtha jethee | Padee chaalataa mahee paathee | Badrikaa-Ashramee paatale ||

Ovee 133

मग सुवचनीं द्विमूर्धन । युक्ती सांगे जालिंदराकारण । बा रे जें कां दत्तवचन । कानिफातें समर्पी ॥

Maga su-vachanee Dvimoordhanu | Yuktee saange Jaalindaraa-kaaranu | Baa re je kaa Datta vachanu | Kaaniphaate samarpee ||

Ovee 134

ऐसें सांगूनि स्वयें युक्ती । अदृश्य झाला दाहकमूर्ती । वरी सादृश्यपणें उमापती । षण्मासें त्यातें मिरवला ॥

Aise saanguuni svaye yuktee | Adrishya jhaalaa Daahaka-moortee | Varee saa-drishyapane Umaapatee | Shanmaase tyaate miravalaa ||

Ovee 135

परी षण्मासदिनांमाझारी । दत्तकृपेची विद्यालहरी । सांठवूनि कानिफाअंतरी । केला भांडारी विद्येचा ॥

Paree shanmaasa-dinaam-maajhaaree | Datta-kripechee vidyaalaharee | Saanthavuuni Kaaniphaa-antaree | Kelaa bhaandaaree vidyechaa ||

Ovee 136

सकळ अस्त्रीं केला प्रवीण । परी संजीवनी अस्त्र देदीप्यमान । आणि दुसरें वाताकर्षण । जालिंदरें रक्षिलें असे ॥

Sakala astree kelaa praveenu | Paree Sanjeevanee astra daedeepya-maanu | Aani dusare Vaataa-karshanu | Jaalindare rakshile ase ||

Ovee 137

म्हणाल करुनि रक्षण । सांगितलें सकळ विद्येचें कारण । तरी इतुकेंच रक्षावयास संशय कोण । जालिंदरा उदेला हो ॥

Mhanaala karuni rakshanu | Saangitale sakala vidyeche kaaranu | Taree itukencha rakshaa-vayaasa sanshaya konu | Jaalindaraa udelaa ho ||

Ovee 138

तरी संशयाचें कारण । गजकर्णी झाला जन्म । तया स्थानींचा उत्तम गुण । उभयतांचा मिरवेल ॥

Taree sanshayaache kaaranu | Gaja-karnee jhaalaa janmu | Tayaa sthaaneenchaa uttama gunu | Ubhaya-taanchaa miravelu ||

Ovee 139

दांभिक बुद्धिसंस्कार । पाहूनियां जालिंदर । वाताकर्षण संजीवनीमंत्र । अस्त्र भिन्न रक्षिलें ॥

Daambhika buddhi-sanskaaru | Paahuuniyaa Jaalindaru | Vaataa-karshana Sanjeevanee mantru | Astra bhinna rakshile ||

Ovee 140

परी सकळ अस्त्रीं झाला निपुण । मग बोलता झाला उमारमण । अस्त्र देवता करुनि प्रसन्न । कानिफातें देई कां ॥

Paree sakala astree jhaalaa nipunu | Maga bolataa jhaalaa Umaa-ramanu | Astra devataa karuni prasannu | Kaaniphaate daee kaa ||

Ovee 141

मग स्तवनास्त्र जपोनि त्वरित । बोलाविले सकळ दैवत । इंद्र वरुण आश्विनीसहित । महीलागीं उतरले पातले ते ठाया ॥

Maga Stavana-astra japoni tvaritu | Bolaavile sakala daivatu | Indra Varuna aashvinee-sahitu | Mahee-laagee utarale paatale tey thaayaa ||

Ovee 142

दानव मानव प्रतापवंत । अतळ वितळ पाताळीं जे विख्यात । नवनागकुळें वंशवंत । तेही पातले ते ठाया ॥

Daanava maanava prataapa-vantu | Atala Vitala (Paataalee) je vikhyaatu | Nava-naaga-kule vamsha vantu | Tehee paatale tey thaayaa ||

Ovee 143

चंद्रसूर्य गणगंधर्व । यक्ष किन्नर आले सर्व । विष्णुसहित कामोद्भव । महींलागीं उतरले ॥

Chandra-soorya gana-gandharvu | Yaksha Kinnara aale sarvu | Vishnu-sahita kaamod-bhavu | Mahee-laagee utarale ||

Ovee 144

खगेंद्रासहित प्लवंगम । येता झाला दाशरथी राम । अवतारदक्ष विष्णु दशम । दशअवतारीं मिरवला ॥

Khagendraa-sahita Plavangamu | Yetaa jhaalaa Daasharathee Raamu | Avataara daksha Vishnu dashamu | Dasha-avataaree miravalaa ||

Ovee 145

बावन्न वीर जळदेवता । शंखिनी डंखिनी कालिकेसहिता । अष्टभैरव गण पाताळनाथ । गजानन मिरवला ॥

Baavanna veera jala-devataa | Shankhinee Dankhinee Kaalike-sahitaa | Ashta Bhairava gana Paataala-Naathu | Gajaanana miravalaa ||

Ovee 146

ऐशा देवता वर्णू किती । मृत्युलोकीं पूर्ण विख्याती । तेहतीस कोटी संख्या बोलती । दृश्य झाले तितुकेही ॥

Aishaa devataa varnu kitee | Mrityu-lokee poorna vikhyaatee | Tehateesa kotee sankhyaa bolatee | Drishya jhaale titukehee ||

Ovee 147

असो ऐशा समुच्चयाकारणें । त्यासी जालिंदर करी नमन । बद्धांजळी सर्वा जोडून । बोलता झाला त्तक्षणीं ॥

Aso aishaa samuchchayaa-kaarane | Tyaasee Jaalindara karee namanu | Baddhaanjalee sarvaa joduunu | Bolataa jhaalaa ttakshanee ||

Ovee 148

म्हणे महाराजा कृपामूर्ति । कानिफा मिरवला सद्विद्येप्रती । तैं योग देऊनि निगुतीं । कार्यालागीं वर्तावें ॥

Mhane Mahaaraajaa kripaa-moorti | Kaaniphaa miravalaa sadvidye-pratee | Tai yoga deuni nigutee | Kaaryaa laagee vartaave ||

Ovee 149

ऐसें ऐकूनि तयाचे वचन । दैवतें बोलती सकळ जाण । तुज आम्हीं वरप्रदान । सद्विद्येसी दिधलेसें ॥

Aise aikuuni tayaache vachanu | Daivate bolatee sakala jaanu | Tuja aamhee vara-pradaanu | Sad-vidyesee didhalese ||

Ovee 150

दिधलें परी कवणार्थी । श्रीपावकाच्या मोहाप्रती । आणि अत्रिसुत तुम्हांप्रति । विद्यानाथ झालासे ॥

Didhale paree kavana arthee | Shree-paavakaachyaa mohaa-pratee | Aani Atrisuta tumhaam-prati | Vidyaa-Naatha jhaalaase ||

Ovee 151

ऐसें उभयांच्या भिडेंकरुन । तुम्हासी दिधलें वरप्रदान । परी पुढें आणिका कारण । वर मिरवत नाहीं जी ॥

Aise ubhayaanchyaa bhide-karunu | Tumhaasee didhale vara-pradaanu | Paree pudhe aanikaa kaaranu | Vara miravata naahee jee ||

Ovee 152

तेथूनि तुम्ही पुढतपुढती । शिष्य सकळ अगणित मिती । तितुक्यांसी सद्विद्येप्रती । वर किती ओपावा हो ॥

Tethuuni tumhee pudhata-pudhatee | Shishya sakala aganita mitee | Titukyaansee sadvidye-pratee | Vara kitee opaavaa ho ||

Ovee 153

बरें म्हणाल का वाइट । परी वर न ओपु आम्ही स्पष्ट । मानाल तैसें महाश्रेष्ठ । दुःख देहीं आपुल्या ॥

Bare mhanaala kaa vaaitu | Paree vara na opu aamhee spashtu | Maanaala taise mahaa-shreshthu | Duhkha dehee aapulyaa ||

Ovee 154

ऐसें म्हणूनि विमानीं । बैसते झालें तत्क्षणीं । तें जालिंदर दृष्टीं पाहोनी । परम चित्तीं क्षोभला ॥

Aise mhanuuni vimaanee | Baisate jhaale tatkshanee | Tey Jaalindara drishtee paahonee | Parama chittee kshobhalaa ||

Ovee 155

म्हणे माझा अनादर । करुनि जातां स्थानावर । परी माझा चमत्कार । निजदृष्टीं पाहावा ॥

Mhane maajhaa anaadaru | Karuni jaataa sthaanaa varu | Paree maajhaa chamatkaaru | Nija-drishtee paahaavaa ||

Ovee 156

मग करीं कवळूनि भस्मचिमुटी । वातास्त्र प्रेरिता झाला जेठी । तेणेंकरुनि नभापोटी । प्रेरक झालें वातास्त्र ॥

Maga karee kavaluuni bhasma-chimutee | Vaataastra preritaa jhaalaa jethee | Tene-karuni nabhaa-potee | Preraka jhaale Vaataastru ||

Ovee 157

तें वातास्त्र अति तीव्र । प्रगट होतां वातचक्र । तैं सकळ विमानें नभावर । भ्रमण करिती वातानें ॥

Tey Vaataastra ati teevru | Pragata hotaa vaata-chakru | Tai sakala vimaane nabhaavaru | Bhramana karitee vaataane ||

Ovee 158

तें पाहूनियां गंधर्वनाथ । गुणीं गांडीव चढवितां सिद्ध । आदिदेव सुरवरादि समस्त । सज्ज केले सायकें ॥

Tey paahuuniyaa Gandharva Naathu | Gunee Gaandeeva chadhavitaa siddhu | Aadideva suravaraadi samastu | Sajja kele saayake ||

Ovee 159

मग नानास्त्रें जपूनि युक्ती । शर सोडिती नाथावरती । तें पाहूनि जालिंदर जती । निवारण करी सर्वांचें ॥

Maga naanaastre japuuni yuktee | Shara soditee Naathaa varatee | Tey paahuuni Jaalindara jatee | Nivaarana karee sarvaanche ||

Ovee 160

पर्वतास्त्र गंधर्व प्रेरिती । वज्रास्त्र प्रेरी अमरपती । यक्ष अग्निअस्त्रें सोडिती । जळदास्त्र वरुण तो ॥

Parvataastra Gandharva preritee | Vajra-astra preree Amarapatee | Yaksha agni-astre soditee | Jaladaastra Varuna toh ||

Ovee 161

धूमास्त्र अश्विनी देव । नागास्त्र प्रेरिती सकळ दानव । ऐशीं अस्त्रें बहुत गौरव । बहुतांनी तीं निर्मिलीं ॥

Dhooma-astra Ashvinee devu | Naaga-astra preritee sakala daanavu | Aishee astre bahuta gauravu | Bahutaannee tee nirmilee ||

Ovee 162

परी हरि आणि हर । दृष्टीं पाहाती चमत्कार । म्हणती पुढें कैसा विचार । निजदृष्टीं पाहूं कीं ॥

Paree Hari aani Haru | Drishtee paahaatee chamat-kaaru | Mhanatee pudhe kaisaa vichaaru | Nija-drishtee paahoo kee ||

Ovee 163

ऐशी अस्त्रें प्रेरिती बहुत । तें पाहुनि जालिंदरनाथ । मग सकळ अस्त्रांवरी मोहनास्त्र । योजिता झाला महाराजा ॥

Aishee astre preritee bahutu | Tey paahuni Jaalindara-naathu | Maga sakala astraavaree Mohana-astru | Yojitaa jhaalaa Mahaaraajaa ||

Ovee 164

तें मोहन अस्त्रांतरीं । प्रवेशूनि करी प्रताप बाहेरी । जालिंदरातें अवलोकन करी । नमूनि जात असे अस्त्र ॥

Tey mohana astra antaree | Praveshuuni karee prataapa baaheree | Jaalindaraate avalokana karee | Namuuni jaata ase astru ||

Ovee 165

ऐसें अस्त्र सकळ आलें । परी जालिंदरा नमूनि गेलें । परी पर्वतास्त्रें युक्त केलें । निवटिलें वातास्त्र ते ॥

Aise astra sakala aale | Paree Jaalindaraa namuuni gele | Paree parvata astre yukta kele | Nivatile Vaataastra tey ||

Ovee 166

मग विमानें होऊनि स्वर्गी स्थिर । समूळ आटले वातचक्र । मग एकाएक बोलती उत्तर । कैसा विचार करावा ॥

Maga vimaane houuni svargee sthiru | Samoola aatale vaata-chakru | Maga ekaa-eka bolatee uttaru | Kaisaa vichaara karaavaa ||

Ovee 167

जीं जीं अस्त्रें प्रेरितु आपण । तीं तेथें जातीं नमून । तरी आतां शस्त्रें घेऊन । महींलागीं उतरावें ॥

Jee jee astre preritu aapanu | Tee tethe jaatee namuunu | Taree aataa shastre ghevunu | Mahee-laagee utaraave ||

Ovee 168

तीव्र शस्त्रघातेंकरुन । द्वंद्वमुखांते करावें आव्हान । मग तयाचा घेऊन प्राण । स्वर्गवासी करावा तो ॥

Teevra shastra-ghaaten-karunu | Dvandva-mukhaante karaave aavhaanu | Maga tayaachaa ghevuna praanu | Svarga-vaasee karaavaa toh ||

Ovee 169

ऐसें मानलें सर्वां चित्तीं । विमानें उतरली महीवरती । मग मुद्गल फरश अंकुश शक्ती । घेवोनियां धांवले ॥

Aise maanale sarvaa chittee | Vimaane utaralee mahee varatee | Maga mudgala pharasha ankusha shaktee | Ghevoniyaa dhaavale ||

Ovee 170

त्रिशूळ खड्ग भाले तोमर । फरश मुरस पाडू कट्यार । गदा चक्र बरची यंत्र । दारुकादि उभवले ॥

Trishoola khadga bhaale tomaru | Pharasha murasa paadoo katyaaru | Gadaa chakra barachee yantru | Daarukaadi ubhavale ||

Ovee 171

गुप्ती भाले असिलता । ऐशी शस्त्रें किती वर्णिता । असंख्यरुपी प्राणहर्ती । घेवोनियां धावलें ॥

Guptee bhaale asilataa | Aishee shastre kitee varnitaa | Asankhya-rupee praanahartee | Ghevoniyaa dhaavale ||

Ovee 172

तें पाहूनि जालिंदर । सोडता झाला कामिनीअस्त्र । कामिनीअस्त्रावरी पवित्र । कामअस्त्र प्रेरिले ॥

Tey paahuuni Jaalindaru | Sodataa jhaalaa Kaaminee-astru | Kaaminee-astraavaree pavitru | Kaama-astra prerile ||

Ovee 173

कामिनीअस्त्र प्रगट होतां । अगणित स्त्रिया तेज मारिता । उदया पावूनि कामवार्ता । दर्शविता रायासी ॥

Kaaminee-astra pragata hotaa | Aganita striyaa teja-marita | Udayaa paavuuni kaama vaartaa | Darshavitaa raayaasee ||

Ovee 174

परी त्या स्त्रिया कैशा । रंभेहूनि शतगुण ऐशा । भ्रुकुटीसायक नेत्रकटाक्षां । शर सोडिती कामाचे ॥

Paree tyaa striyaa kaishaa | Rambhe-huuni shataguna aishaa | Bhrukutee-saayaka netra-kataakshaa | Shara soditee kaamaache ||

Ovee 175

तयामागें कामास्त्र । सर्वां हृदयीं रिघोनि पवित्र । तेणें लंपट होऊनि सर्वत्र । प्रणययुद्धा उसळले ॥

Tayaa maage Kaamaastru | Sarvaa hridayee righoni pavitru | Tene lampata houuni sarvatru | Pranaya-yuddhaa usalale ||

Ovee 176

मग एकाएकींच्या ध्यानीं । लागूनि करिती नम्र विनवणी । तंव त्या पळती रानोरानीं । हेही धावती त्यामागें ॥

Maga ekaa-ekeenchyaa dhyaanee | Laaguuni karitee namra vinavanee | Tava tyaa palatee raano-raanee | Hehee dhaavatee tyaamaage ||

Ovee 177

परी बद्रिकाश्रमीं बद्रितरु । त्यातें वर्णितां नसे पारु । कीं वाट दावी कंटकापारु । तयामाजी रिघाल्या ॥

Paree Badrikaa-Ashramee badri-taru | Tyaate varnitaa nase paaru | Kee vaata daavee kantakaa-paaru | Tayaa maajee righaalyaa ||

Ovee 178

तंव त्या कामिनी कंटकवनीं । बद्रतरुतें जाती वेधुनीं । देवही तैसे तरु कवळूनी । वृक्षावरी वेंधती ॥

Tava tyaa Kaaminee kantaka-vanee | Badra-tarute jaatee vedhunee | Devahee taise taru kavaluunee | Vrikshaa-varee vendhatee ||

Ovee 179

एक वृक्षावरी एक एकावरी । तैसे एक एक वेंधले तयांवरी । निकट जाऊनि विनंती करी । वश्य होय म्हणवूनि ॥

Eka vrikshaa-varee eka ekaavaree | Taise eka eka vendhale tayaa-varee | Nikata jaauuni vinantee karee | Vashya hoya mhana-vuuni ||

Ovee 180

सकळ वृक्षा गेले वेंधून । तें पाहूनि जालंदर नंदन । मग स्पर्शास्त्र मंत्र जपून । भस्मचिमुटी सोडीतसे ॥

Sakala vrikshaa gele vendhuunu | Tey paahuuni Jaalandara nandanu | Maga Sparshaastra mantra japuunu | Bhasma-chimutee sodeetase ||

Ovee 181

स्पर्शास्त्र प्रगट होतां । सकळ कामिनींसी झाली प्रेरकता । तें पाहूनि कामिनी तत्त्वता । उड्या सोडिती महीतें ॥

Sparshaastra pragata hotaa | Sakala kaamineensee jhaalee prerakataa | Tey paahuuni Kaaminee tattvataa | Udyaa soditee maheete ||

Ovee 182

तयांच्या मागें देव भले । उड्या सोडिती अति वहिलें । परी स्पर्शास्त्रें पदातें धरिलें । तरुशाखेतें कवळूनी ॥

Tayaanchyaa maage deva bhale | Udyaa soditee ati vahile | Paree Sparshaastre padaate dharile | Taru-shaakhete kavaluunee ||

Ovee 183

मग खालीं मौळी वरते पद । मध्येंचि लोंबती देववृंद । मुकुट महीतें पडोनि बद्ध । कबरी मोकळी हेलावे ॥

Maga khaalee maulee varate padu | Madhyenchi lombatee devavrindu | Mukuta maheete padoni baddhu | Kabaree mokalee helaave ||

Ovee 184

जैसें सुग्रीव पक्ष्याचें घर । तरुसी लोंबती दिसती अपार । कीं दिनउदयीं शाखेवर । वडकाळिका झोंबती ॥

Jaise Sugreeva pakshyaache gharu | Tarusee lombatee disatee apaaru | Kee dina-udayee shaakhevaru | Vadakaalikaa jhombatee ||

Ovee 185

तन्न्यायें तरुवरती । देव उफराटे झोळकंबे घेती । तें पाहूनी उमापती रमापती । हास्य करिती गदगदां ॥

Tannyaaye taru varatee | Deva upharaate jhola-kambe ghetee | Tey paahuunee Umaapatee Ramaapatee | Haasya karitee gadagadaa ||

Ovee 186

म्हणती बरवी झाली मौज । ऐसा मिळाला नाहीं भोज । न मारितां सकळ ज्ञानकाज । फेडुनि करपुटी मिरवले ॥

Mhanatee baravee jhaalee mauju | Aisaa milaalaa naahee bhoju | Na maaritaa sakala jnyaana-kaaju | Feduni kara-putee miravele ||

Ovee 187

मग स्त्रियां तळवटीं । काम करित्या झाल्या शेवटीं । सकळांचें चीर फेडूनि करपुटीं । नग्नशरीरी मिरवले ॥

Maga striyaa talavatee | Kaama karityaa jhaalyaa shevatee | Sakalaanche cheera pheduuni karaputee | Nagna-shareeree miravale ||

Ovee 188

सकळ वस्त्रें जालिंदरापासीं । स्त्रिया आणूनि करिती राशी । मग जालिंदर कानिफापाशीं । हळूचि खुणे सांगतसे ॥

Sakala vastre Jaalindaraapaasee | Striyaa aanuuni karitee raashee | Maga Jaalindara Kaaniphaa-paashee | Haloochi khune saangatase ||

Ovee 189

देव सकळ झाले नग्न । त्यांतें नेसवूनि येई वसन । मग तो कानिफा घेऊन वसन । ज्याचे त्यासी नेसवीतसे ॥

Deva sakala jhaale nagnu | Tyaate nesavuuni yeee vasanu | Maga toh Kaaniphaa ghevuna vasanu | Jyaache tyaasee nesaveetase ||

Ovee 190

नेसवितां देव बोलत । अहो गुरुची करणी विपरीत । विध्वंसले असे सामर्थ्य । योग्यायोग्य दिसेना ॥

Nesavitaa deva bolatu | Aho guruchee karanee vipareetu | Vidhvansale ase saamarthyu | Yogyaayogya disenaa ||

Ovee 191

ज्यांची ब्रह्मांडभरी कीर्ति । ते तरुलागीं कैसे लोंबती । ऐसे म्हणूनि तयापरती । वसनालागीं परिधानी ॥

Jyaanchee Brahmaanda-bharee keerti | Tey taru laagee kaise lombatee | Aise mhanuuni tayaaparatee | Vasanaalaagee paridhaanee ||

Ovee 192

म्हणे महाराजा गुरुसी चोरुन । तुम्हां परिधानितों गुप्त वसन । तरी हें ऐसें वर्तमान । बोलूं नका गुरुतें ॥

Mhane Mahaaraajaa gurusee chorunu | Tumhaa paridhaanito gupta vasanu | Taree hey aise vartamaanu | Boloo nakaa gurute ||

Ovee 193

वसन नेसल्या उपरी । पाय वंदी उभय करीं । भाळ ठेवूनी पदावरी । आणिक जात पुढारां ॥

Vasana nesalyaa uparee | Paaya vandee ubhaya karee | Bhaala thevuunee padaavaree | Aanika jaata pudhaaraa ||

Ovee 194

मग कानिफाची नेत्रभक्ती । पाहुनी तुष्टले देव चित्तीं । मग प्रसन्न होऊनि वरदहस्तीं । वरा ओपिती कृपेनें ॥

Maga Kaaniphaachee netra bhaktee | Paahunee tushtale deva chittee | Maga prasanna houuni varada hastee | Varaa opitee kripene ||

Ovee 195

मनीं करुनि दृढ विचार । विना दिधल्यावाचूनि वर । सोडणार नाहीं जालिंदर । कृतनिश्चय हा असे ॥

Manee karuni dridha vichaaru | Vinaa didhalyaa-vaachuuni varu | Sodanaara naahee Jaalindaru | Krita-nishchaya haa ase ||

Ovee 196

ऐसा निश्चय करुनि चित्तीं । प्रसन्न चित्तें वर ओपिती । जें जें अस्त्र तयाचे शक्ती । आम्ही मिरवूं निश्चयें ॥

Aisaa nishchaya karuni chittee | Prasanna-chitte vara opitee | Je je astra tayaache shaktee | Aamhee miravoo nishchaye ||

Ovee 197

मग सकळीं देऊनि वरप्रदान । कानिफा केला वरदवान । तें ऐकूनि पावकनंदन । विभक्तास्त्र सोडीतसे ॥

Maga sakalee deuuni vara-pradaanu | Kaaniphaa kelaa varada-vaanu | Tey aikuuni Paavaka-nandanu | Vibhaktaastra sodeetase ||

Ovee 198

विभक्तास्त्र होतां प्राप्त । सकळ देव झाले मुक्त । सांवरुनि वस्त्रभूषणातें । नाथापाशीं पातलें ॥

Vibhaktaastra hotaa praaptu | Sakala deva jhaale muktu | Saavaruni vastra-bhooshanaate | Naathaa paashee paatale ||

Ovee 199

मग सर्वत्रीं करुनि नमस्कार । म्हणती तव सुता दिधला वर । सकळ अस्त्रीं साक्षात्कार । आम्ही मिरवूं निजांगें ॥

Maga sarvatree karuni namaskaaru | Mhanatee tava sutaa didhalaa varu | Sakala astree saakshaat-kaaru | Aamhee miravoo nijaange ||

Ovee 200

उपरी बोले जालिंदरनाथ । पुढें करीन साबरी कवित्व । त्यातें साह्य तुम्हीं समस्त । कृपा करुनि असावें ॥

Uparee bole Jaalindaranaathu | Pudhe kareena saabaree kavitvu | Tyaate saahya tumhee samastu | Kripaa karuni asaave ||

Ovee 201

मग अवश्य म्हणोनि वचन देती । साह्य असों तव कवितीं । ऐसें बोलोनि स्वस्थाना जाती । विमानारुढ होऊनियां ॥

Maga avashya mhanoni vachana detee | Saahya aso tava kavitee | Aise boloni svasthaanaa jaatee | Vimaanaa-rudha houuniyaa ||

Ovee 202

यावरी रमावर आणि उमावर । कानिफा आणि जालिंदर । बद्रिकाश्रमीं होऊनि स्थिर । तीन रात्र राहिले तेथें ॥

Yaavaree Ramaavara aani Umaavaru | Kaaniphaa aani Jaalindaru | Badrikaa-Ashramee houuni sthiru | Teena raatra raahile tethe ||

Ovee 203

तेथील स्वाद धुंडीसुत । पुढें सांगेल यथास्थित । नरहरिवंशीं नाम ज्यातें । मालू ऐसें वदताती ॥

Tetheela svaada dhundee-sutu | Pudhe saangela yathaasthitu | Narahari-vamshee naama jyaate | Maaloo aise vadataatee ||

Ovee 204

स्वस्ति श्रीभक्तिकथासार । संमत गोरक्षकाव्य किमयागार । सदा परिसोत भाविक चतुर । द्वादशाध्याय गोड हा ॥

Svasti Shreebhaktikathaa Saaru | Sammata Goraksha-Kaavya Kimayaagaaru | Sadaa parisota bhaavika chaturu | Dvaadasha Adhyaaya goda haa || श्रीकृष्णार्पणमस्तु । श्रीदत्तात्रेयार्पणमस्तु । Shri Krishnarpanamastu Shri Dattatreyarpanamastu इति श्रीनवनाथभक्तिसार द्वादशाध्याय संपूर्ण । Iti Shri Navnath Bhaktisar Adhyaya Dvaadasha Sampurnah